અમે

મળતા થયેલા સ્નેહમાં વારી ગયા અમે,

મનની ઉકળતી આંચને ઠારી ગયા અમે.

કારણ વગરનું એમનું રુઠી જવું થયું, 

ચાહત હ્રદયની ચાહતા હારી ગયા અમે.

સાથે હંમેશા જીવવા પાકું વચન હતું, 

ઘટતા કરમના ભાવને તાડી ગયા અમે. 

માથે ફરજ થઈ ચાલવા તપતી ધરા ઉપર,

હસતાં મળેલી લાગણી પાળી ગયા અમે.

જાગી ઉઠેલી ચાહના ભીતર દબી દબી,

મનના તરંગી ભાવને દાબી ગયા અમે.

ચાહ્યાં હ્રદયથી એમને પામી શક્યા નહીં,

જેના વિરહમાં આયખું ગાળી ગયા અમે.

વેઠી રહ્યાં છો ચાહની માસૂમ જલન મળી,

સદમા વિરહની તાણના ગાળી ગયા અમે