અમે તો થઈ ગયા ધનવાન

કર્યું મે હૃદયને કિનારે ખોદકામ,

ગેરસમજની રેતી કરી દૂર,

મોંઘેરા મને રત્નો મળ્યા,

સહકાર, હૂંફ કેરા હીરા મળ્યા,

મહોબતના મોંઘા મોતી મળ્યા,

સાથના સોનેરી સિક્કા મળ્યા,

દરકારનો દાગીનો મળ્યો,

હૂંફનું હેમ મળ્યું,

પ્રેમનો પન્ના મળ્યો,

જતનના મળ્યા ઝવેરાત,

નેહના મળ્યા નીલમ

હેતના હીરા મળ્યા,

પ્રીતનાં મળ્યા પોખરાજ,

હતા અમે સાવ નિર્ધન,

પણ સ્વજનના પ્રેમની દોલત મળી,

અમે તો થઈ ગયા ધનવાન.