અબોલા

મનાવી પટાવી થાક્યો છુ હું,

ચાલ મુકી દે હવે તું અબોલા,

મુખ ચડાવી ગુસ્સો કરીશ તો,

કેમ ઉજવશું મનનાં મેળા ?

વસંત ખીલી છે પ્રેમની તેમાં,

ચાલ ગાઈએ મધુરા તરાના,

શીતળ લહેરાતા સમીર સંગે,

ચાલ ઝૂલીયે પ્રેમનાં હિંડોળા,

મદમાતા આ યોવન રસનાં,

ચાલ પીયે અમૃતરસ પ્યાલા,

ઝરમર વરસતી પ્રેમવર્ષામાં,

ચાલ મિટાવીયે પ્રેમની જ્વાળા,

બદલતી મોસમની કરવટમાં,

શાંત થઈજા તું તારા મનમાં,

અબોલા છોડી માનીજા "મુરલી"

ચાલ સમાઈ જા મારા હૃદયમાં.