અભિવ્યક્તિ ડે

કેટલું બધું છલકાય આજ કેટલું બધું છલકાય !

પ્રેમ કર્યો ના હોય છતાં વેલેન્ટાઇન ડે ઉજવાય !

કોઈકે લીધા છૂટાછેડા ને કોઈક ચાલીસ વર્ષે વાંઢો

વાતવાતમાં છન છન, ને સ્ટેટ્સ મૂકે ટન ટનાટન !

આજે જાણે પ્રેમ પામ્યો ! વેલેન્ટાઈન ડે ઉજવાય !

પૂછો એને કે આવો અધૂરો ઘડો કેમ છલકાય !

લખવામાં કાંઈ બાકી ના રાખે, ઘરમાં કરે ઝઘડો

સોશ્યલ મીડિયામાં રંગીન, પાછળથી પસ્તાય !

કેટલું બધું છલકાય આજ કેટલું બધું છલકાય !

પ્રેમ કર્યો ના હોય છતાં પણ વેલેન્ટાઇન ડે ઉજવાય !

પંદર દિવસ પાછળ હોય એ ડે કેમ ઉજવાય !

આપણી તો વસંતપંચમી, કુદરત પણ મલકાય,

કુદરતની અભિવ્યક્તિને, સંસ્કારથી તો શોભે

માતપિતાને વંદન ને વડીલોને નમસ્કાર શોભે..

ગુરુ પાસે જ્ઞાન લીધું, એ સંસ્કાર કેમ ભૂલાય !

ચાલો આપણે આ ડે ને જ્ઞાન સાથે જોડીએ !

ઘરમાં સેવા ચાકરી, હળીમળીને કુટુંબ ભાવથી રહીએ,

કેટલું બધું છલકાય આજ કેટલું બધું છલકાય !

પ્રેમ કર્યો ના હોય છતાં વેલેન્ટાઇન ડે ઉજવાય !