આવ તું

આજે નયન પણ બન્યાં અધીર હરખાતી આવ તું !

વિયોગે ઉરે ભોંકાતા તાતાં તીર શરમાતી આવ તું !

કેટકેટલી કરી પ્રતિક્ષા તારા આગમન કાજે ઉમંગે,

જાણે હરાઈ ગયું તનમનનું હીર મલકાતી આવ તું !

સંવારી દે રસ્તાને તારા પદરવથી એ ઝંખતો હશે ને,

કરીને નુપૂરરવ તારો મુજ અજીર મુસકાતી આવ તું !

અદમ્ય ઉત્સાહને સોનેરી સપનાં ભર્યાં તારી આંખે,

નથી તારા સમાન જગમાં અમીર મદમાતી આવ તું !

ભૂલી પડી કોઈ સ્વર્ગસુંદરી મદનબાણને પ્રહારતી,

વિશ્વવિજય કરતી જાણે લકીર ગણગણતી આવ તું.