આંખોમાં કેસર ઘૂંટે છે !
આંખોમાં કેસર ઘૂંટે છે !
પ્રતીક્ષા ખરી પાંપણથી, મારી આંખોમાં કોઈ કેસર ઘૂંટે છે ?
એકાદ પળો જીવવાની, મારી આંખોમાં કોઈ કેસર ઘૂંટે છે ?
ઈચ્છાઓનું રૂંધી ગળું, મારી આંખોમાં કોઈ કેસર ઘૂંટે છે ?
સપનાં નિહાળવાની પ્રથા આથમી, મારી આંખોમાં કોઈ કેસર ઘૂંટે છે ?
કોઈ કંઠથી પડાઈ જઈશ, મારી આંખોમાં કોઈ કેસર ઘૂંટે છે ?
મારા ડૂસ્કામાં ડૂમો ભરાઈ, મારી આંખોમાં કોઈ કેસર ઘૂંટે છે ?
કસુંબાઓ ઘટઘટાવી લ્યો, મારી આંખોમાં કોઈ કેસર ઘૂંટે છે ?
ગઝલ ઘોળી પી ગયો, મારી આંખોમાં કોઈ કેસર ઘૂંટે છે ?
મારું હૃદય મંજીરા રસબસ રણકે, મારી આંખોમાં કોઈ કેસર ઘૂંટે છે ?
મેવાડની મીરાનાં પડે પરમ પડછંદા, મારી આંખોમાં કોઈ કેસર ઘૂંટે છે ?
દૂધે ધોઈ ચાંદની ચાંદનીએ ધોઈ રાત, મારી આંખોમાં કોઈ કેસર ઘૂંટે છે ?
આંખ્યુંના આંજણમાં ફાગણીયો કેફ, મારી આંખોમાં કોઈ કેસર ઘૂંટે છે ?