દરિયાની બારી
દરિયાની બારી
ઉઘાડી આંખોમાં બાજી છે છાની છારી
કોણે ઉઘાડી મારી આંખોમાં દરિયાની બારી,
ઘુઘવતા સપના ને આયખુમાં જીવન નિતારી
કોણે ઉઘાડી મારી આંખોમાં દરિયાની બારી,
મારા સપના સૂકાઈ કહે હવે માછલિયું મારી
કોણે ઉઘાડી મારી આંખોમાં દરિયાની બારી,
ઊભી હું કાંઠે મન મારું મધદરિયે ભારી ભારી
કોણે ઉઘાડી મારી આંખોમાં દરિયાની બારી,
આંખોમાં દરિયો થઈ છલકાવું કંઈ રીત છે તમારી
કોણે ઉઘાડી મારી આંખોમાં દરિયાની બારી,
મનગમતા મોતી માંગે છે ખારવણ ખારી ખારી
કોણે ઉઘાડી મારી આંખોમાં દરિયાની બારી,
અમે ચાતક ને ચોમાસું ને ભીંત ને થઈ છે બારી
કોણે ઉઘાડી મારી આંખોમાં દરિયાની બારી,
ધોળે દિવસે આંખોનાં ફૂલોએ આંખોને તારી તારી
કોણે ઉઘાડી મારી આંખોમાં દરિયાની બારી.