આકાશે વીજળી
આકાશે વીજળી
આકાશે વીજળી ચમકી,
સાદ દઈ હળવેકથી,
બોલાવી મુજને,
સાદ સાંભળી, બહાર નીકળી
આમતેમ જોયું, ઘડીભર ઊંચું જોયું,
શોધું તને હું,
પણ,આ શું !
ઓ વીજળી ! સાદ દઈ,
પળભર પણ ના ઊભી રહી તું,
સંતાઈ કયાં ? આમ રીસાઈને,
એટલામાં તો બે વાદળો બાખડ્યા,
ભારે કડાકા સાથે,
હું સમજી ગઈ,
આ ભારેખમ વાદળોની જીભાજોડીમાં,
શું કામ અટવાતી તું ?
તું તો મનમોજીલી, હરખઘેલી,
તેજલ ને રૂપરૂપનો અંબાર તું,
વાદળો તો શું !
આખું નભ ઘેલું છે,
તારાં અંબાર પાછળ,
તારાં તેજવલયે ધ્રુજે ધરા પણ,
હે ! તેજસલિલા !
આમ, હળવેકથી સાદ દઈ,
આમ, રીસાઈને સંતાઈ કયાં ?