આકાશ

ગરીબોનું છત્ર છે આકાશ,

ના પૂછો આ નિરાધારોનો

 આધાર છે આકાશ....!

ખેડૂતો માટે વર્ષા વરસાવતો,

આજીવિકાનો આધાર છે

આકાશ....!

 સૂર્ય, ચંદ્ર, તારા, નક્ષત્રો, ગ્રહોનો,

અણમોલ ખજાનો છે

આકાશ.....!

દિવસ-રાત્રીની રમત રમાડતો,

જીવનચક્રનો આધાર છે

 આકાશ....!

પંખીઓને સ્વતંત્ર મુક્ત 

વિહરવાનો,

નિર્ભય પર્યટન છે આકાશ....!

 ટૂંકું કર્યું આ વિશ્વનું અંતર,

વિમાને ઉડાન ભરીને...!

 ઝડપી અંતર કાપે વિમાન,

 આકાશની છત્રછાયાથી....!

 આ સમયનું મૂલ્ય સચવાય,

 આકાશની છત્રછાયાથી.....!