આહિસ્તા આહિસ્તા

શબ્દો વગર સઘળું જતાવું આહિસ્તા આહિસ્તા,

તારી ધડકન બનીને ધડકવું આહિસ્તા આહિસ્તા !

સ્પર્શે એ આંખોથી અને આ હૈયું વિહવળ હોય,

નીતરતી લાગણીમાં ભળવું આહિસ્તા આહિસ્તા !

આ ઇશ્ક ભીની મૌસમ આ ફિઝામાં બહાર હોય,

જજબાત ને થોડું નૂર મળવું આહિસ્તા આહિસ્તા !

તારામાં હું અને મારામાં તું આપણી પળેપળ હોય,

વિશ્વ તારામાં મારું સમાવું આહિસ્તા આહિસ્તા !

આ મહેફીલ આ શમા, પ્યાલીને નશીલો જામ હોય,

નશામાં ઘોળી ગઝલ પીવડાવું આહિસ્તા આહિસ્તા !