આગળ શું થશે ?
આગળ શું થશે ?
તમે ક્યારેય વિચાર્યું છે ?
નોકરીની તલાશમાં ભટકતો યુવાન,
બેકાર રખડીને નાસીપાસ થાય તો,
તેનું આગળ શું થશે ?
તમે ક્યારેય વિચાર્યું છે ?
ડોરબેલ મદદની વાગે ને,
દરવાજો આપણો બંધ થાય,
એ નિ:સહાયનું આગળ શું થશે ?
તમે ક્યારેય વિચાર્યું છે ?
આકાશ સામે મીંટ માંડીને,
તમારા મનમાં કોઈ વિચાર જ ન રહે તો,
તમારા મનનું આગળ શું થશે ?
તમે ક્યારેય વિચાર્યું છે ?
દીકરીને ભણાવવાના કોડ,
જો કર્જ ન ઉતરે મોલનું તો,
એ બાપના સ્વપ્નાનું આગળ શું થશે ?
તમે ક્યારેય વિચાર્યું છે ?
તમે ધરતી પર રહો ને,
ચંદ્ર ઉપરથી ફોન આવે તો,
એવા રહસ્યથી તમારુ આગળ શું થશે ?
તમે ક્યારેય વિચાર્યું છે ?
તમે મને વાંચો છો, ને એ વંચાયેલા શબ્દોથી,
શબ્દોનું આગળ શું થશે ?