અધૂરો છે સવાલ
અધૂરો છે સવાલ
અનેક સવાલોના જવાબ સૌ પાસે છે અધૂરા,
સવાલ જો પૂછો કે તમારી જિંદગી કેટલી ?
દવાની અસરનું માપ મળે છે તમને કેટલું,
પણ અધૂરો છે સવાલ દિલની દુઆનું માપ કેટલું ?
મુસાફરને ખબર છે મુસાફરીનો પંથ કેટલો,
પણ છે સવાલ આત્માની મુસાફરી છે કેટલી ?
નાતો બંધાયેલો છે અનેક રિશ્તા સંબંધે કેટલો
પણ છે સવાલ મન આત્મ સંબંધ તે કેવો ?
માપી શકો છો તાકાત હથોડા તાલે કેટલીક,
અધૂરો છે સવાલ વિચાર શક્તિની ક્ષમતા કેટલી ?
માપી શકો તમે અવાજની ફ્રિકવનસી કેટલીક,
પણ છે સવાલ દિલના અવાજની તીવ્રતા કેટલી ?
ભૂગોળના ભોમિયા બની જાણી શકશો વાત કેટલીક
અધૂરો છે સવાલ ભીતરના ભોમિયાની ઓળખ કેવી ?
મળી જશે જ્ઞાન, વિજ્ઞાન, સ્વાદ, ક્યાસ કેટલોક
પણ છે સવાલ વિશ્વાસ, ઘાત, આઘાત માર કેટલો ?
બનો અગર ગોતાખોર તો મળી જશે સાચા મોતી કેટલાક
અધૂરો છે સવાલ ઝંખના સાગર મોજાનો ઉછળાટ કેટલો ?
અધૂરા સવાલના જવાબ છે અધૂરા કેટલાય
ન માનો તો ખુદ વિચારો તમે,છો છલકતા કેટલા ?