આઘાત આપી ગયાં

મારાં હ્રદય પર અનેકાનેક પ્રહાર કરી ગયાં,

કઠોર શબ્દોથી પોતાના જ પ્રહાર કરી ગયાં.

કોને જઈને કહું હું વિહવળ હ્રદયની વેદના,

સ્વજનો જ આઘાતની પળો આપી ગયાં.

એકાંતમાં જઈ ડૂસકાંઓની ધાર છૂટી ગઈ,

સ્વજનો જ્યારે ગુસ્સામાં પ્રહાર કરી ગયાં.

મારાં નયનો ઉભરાયા અશ્રુઓની ધારથી,

ભાવહીન શબ્દોથી હ્રદયને જ વીંધતા ગયા.

વાદ-વિવાદ કરીકરીને સ્વજનો વીંધતા રહ્યાં,

ઉપરાછાપરી અનેક આઘાતો આપતાં ગયાં.

કડવાં વેણ બોલીને આઘાત આપતાં રહ્યાં,

સ્વજનો જ દિલને આઘાતોથી વીંધતા ગયાં.

આખરે એક દિન હ્રદય પણ ભાવશૂન્ય થયું,

જ્યારે આઘાતથી પૂરાં અમે દિગ્મૂઢ થઈ ગયાં.