આ વરસાદમાં
આ વરસાદમાં
મિલનની ઝંખનાવાળા દ્રશ્યો સર્જાય આ વરસાદમાં,
કેવા ધસમસતા પ્રવાહ રચાય આ વરસાદમાં..
વરસે તું મારા પર ને પ્રેમ ઝીલાય આ વરસાદમાં,
નજરમાં નજર પરોવી મનડું મલકાય આ વરસાદમાં..
એક છત્રીમાં સાથે ચાલી યાદો બંધાય આ વરસાદમાં,
સરકતી વર્ષાની હેલી સાથે હૈયું ઉભરાય આ વરસાદમાં..
તારી જ પ્રીતમાં આખેઆખી હું ઓગળુું આ વરસાદમાં,
સ્નેહ તારો સ્પર્શી અનેરો લ્હાવો લઉં આ વરસાદમાં..
વાદળના ગડગડાટમાં સંભળાય તારો સ્વર આ વરસાદમાં,
આભમાંથી જાણે તારું વ્હાલ વરસે આ વરસાદમાં..
ધીમી મેઘની ધારમાં દેખાય તારી છબી આ વરસાદમાં,
કંઈક અલગ જ તારું રૂપ નીરખાય પહેલાં આ વરસાદમાં..!