આ સમય શીખવે છે

કોઈના પ્રેમમાં ડૂબવાનું આ સમય શીખવે છે,

તો કદી મઝધારે તરવાનું આ સમય શીખવે છે,

મુશ્કેલી અને ઝંઝાવાતો સામે લડી,

જીતવાનું આ સમય શીખવે છે,

જીવનના દરિયે તો હોય તોફાનો ઘણાં,

પણ તોય તરવાનું આ સમય શીખવે છે,

સુકુનથી જિંદગી પસાર કરવા માટે,

ઝખ્મો ભૂલવાનું આ સમય શીખવે છે,

ખરાબ ક્ષણોને ભૂલી જવાનું અને,

યાદગાર પળોને યાદ રાખવાનું આ સમય શીખવે છે,

પરિવાર એ જ સુખનું કારણ છે સૌ માટે,

તેના માટે હૈયે ભીતર પ્રેમ રાખવાનું આ સમય શીખવે છે,

સફળતાના આકાશને ચૂમવા માટે,

પરિશ્રમની પાંખ ફેલાવવાનું આ સમય શીખવે છે.