આ રવિવારે
આ રવિવારે
ધીમી ગતિએ પડે સવાર પણ રવિવારે,
ઉતરે થાક છ દિનનો પણ રવિવારે,
મળે આરામનો એક દિન પણ રવિવારે,
મળે કારોબાર જલસાનો પણ રવિવારે,
વ્યસ્તતાએ ઉલઝેલો મળે પરિવાર પણ રવિવારે,
થાય હળવો ભણતરનો ભાર પણ રવિવારે,
ભૂલકાઓથી ગુંજી ઊઠે શેરીઓ પણ રવિવારે,
ખુશીઓ તણી જમાવે મહેફિલ પણ રવિવારે,
આવ્યો મનગમતો આ રવિવાર,
સ્વર્ગની સેર કરાવતો આ રવિવાર,
નથી કરવા બીજા કોઈ કામ આ રવિવારે,
દુનિયા પણ ભૂલી જાઉ આ રવિવારે,
કલમની ધાર સજાવી લઉં આ રવિવારે,
શાહીની સોડમ પ્રસરાવી લઉં આ રવિવારે,
જામ કવિતાનો પી લઉં આ રવિવારે,
ગઝલને ગટગટાવી લઉં આ રવિવારે.