આ જીંદગી છે
આ જીંદગી છે
આ જીંદગી છે ફૂલડાંની માળા કે,
પ્રેમના મોતી ગૂંથી સૌરભ ફેલાવો રે,
આ જીંદગી માંડ મળી છે મનવા,
એનું મૂલ્ય ઓછું ના આંકો રે....
આ જીંદગી ટૂંકી થવા લાગી છે મનવા,
જંજાળ રોજ રોજ વધતી જાય રે..
જીંદગી કેટલી વધુ જીવ્યા ન વિચારો મનવા.
જીવન કેવું સારુ જીવી જાણ્યું વિચારો રે..
જીંદગીમાં શાંતિ કાજ, થોડું ને ધીમેથી બોલજો.
આ જીંદગી છે કાંટાળો માર્ગ, ચેતીને ચાલજો રે...
જીંદગીમાં જ્ઞાન કાજે સારા વિચારો રાખજો મનવા.
તન મન ધનનું ભાથું ભરજો રે...
છેલ્લે આ જીંદગી એવી જીવી જાણો કે મનવા.
આપણા મૃત્યુ બાદ લોકો યાદ કરી વાહ વાહ કરે.