આ ઘટના
આ ઘટના
નજરમાં આવતાં દૃશ્યોની અંદરની જ આ ઘટના,
હંમેશાં અવગણાયેલા કલંદરની જ આ ઘટના.
મહેચ્છાઓ પતનના કારણોનું એક કારણ છે,
અધૂરી વારતામાંના સિકંદરની જ આ ઘટના.
સદીઓ ગુજરી ગઇ માણસાઈ ફાવતાં તો પણ,
છુપાયેલા ખૂણે કોઈક બંદરની જ આ ઘટના.
સમાવી લે મીઠાં પાણી બધાં પોતે સરળતાથી,
ન બદલે ક્ષારતા એવા સમંદરની જ આ ઘટના.
મુસાફર છે સફરના ને અધિકારો જતાવે છે-
ઘણા માર્ગ ઉપર, ના પાંચ પંદરની જ આ ઘટના.