యోగాలో మగువ !

ఓ మగువా ! నీ సహచర్యంలోనే

మగవానికి జీవితంలో సరసమనే వెలుగు .

అప్పుడే అణువణువునా

ప్రేమరసం సమృద్ధిగా మీలో కలుగు !

మాటామంతీతో మీ మనసులు

సులువుగా ఎప్పటికీ కలియు .

ఆటపాటలతో మరింత దగ్గరౌతారని

అనుభవంలో అందరికీ తెలియు !

వంటావార్పులో ఇల్లాలిగా

నీది ఎల్లవేళలా అందెవేసిన చేయి .

ఇంటిపనులన్నింటిలోనూ

అభిరుచి తొంగిచూస్తుందోయి !

బాగా హుషారుగా జీవించాలనేది

మనిషికెప్పుడూ ఒక ఊరించే కోరిక .

బిడ్డల ఆలనపాలనతో సగం వయసే 

గడచిపోదా సమయమే తెలియక !

ఆధునికయుగంలో అన్ని హంగులతో

ఆలుమగలకు సౌఖ్యమే సౌఖ్యము .

యోగాసాధన అందుకే నిత్యము

ఆరోగ్యరక్షణకు అందరికీ ముఖ్యము !