వలపు పుస్తకం

ప౹౹

చూసానులే తనివి తీరా ఆపాదమస్తకం

చదివానులే ఎదలోనీ ఆ వలపు పుస్తకం|2|

చ||

కళ్ళలోనే కదిలేనూ భావాలు ఓ వేయిగా

వాకిళ్ళు తెరిచి కోయిలే కూసెనే హాయిగా|2|

కొత్త గొంతుకలు కోరివచ్చి కలిసి పాడగా

మత్తిలె మది మొత్తం మరల కోరి వేడగా |ప|

చ||

పున్నమి వెన్నెల ఆ చల్లని వన్నెలే చల్లగా

సన్నగా మదిలో ఏదో కదలాడెలే మెల్లగా |2|

ఊహలే ఊపిరై ఊయలూగే తనువంతా

ఊసులే ఆ బాసలై చేరె తన అణువంతా |ప౹

చ||

తీయని వేడుకే చెలితోను కలసిన కూడికే

ప్రేమలో చెలితో చెట్టపట్టాలు ఒక వాడుకే |2|

ఎదలో కోరిక ఎలమితో పెంచెనే వలరాజు

జవరాలితో పంచుకొన మర్చిపోలేని రోజు౹ప౹