వెతకాలి

ప్రేమపంచు మనసులకై విశ్వమంత వెతకాలి 

నిస్వార్ధపు మమతకొరకు గతమంతా వెతకాలి 

నవ్వులన్ని నటనమౌతు మొహమాట రూపమౌతు

స్వచ్చమైన పలుకులకై లోకమంత వెతకాలి 

మాసిపోయి మానవతే కనిపించక కరువౌతు

త్యాగమున్నజనాలకై జగమంతా వెతకాలి 

ప్రసవించగ చెట్టునొకటి పుడమికెంత భారమో

విత్తునాటు మట్టికొరకు నేలంతా వెతకాలి 

లెక్కలలో మిక్కిలైన జనులున్నా దేశంలో

మాటాడే చిరునవ్వుకై మనమంతా వెతకాలి 

మారలేదు మగువబతుకు నిలదీస్తే నిందవేస్తు

గెలుపు ఊహలు గాధలెన్నొ చరిత్రంతా వెతకాలి