వెలుగుల వర్షం
వెలుగుల వర్షం
అసుర తత్వాన్ని అంతమొందించి
దైవత్వాన్ని నింపుకొని
జ్ఞాన దీపాన్ని మనస్సులో వెలిగించి
అజ్ఞాన తిమిరాన్ని పారద్రోలే రోజు
ప్రతి ఇంటా చిరుమోముల సందడితో
ఆనంద కాంతులు వెల్లివిరుస్తూ
సాయం సంధ్య తారలకు పోటీగా
వెలుగుల వర్షం చిందే రోజు
మతాబుల కాంతులు పాల నురుగుల్లా
చిటపట్ల చప్పుడు పిల్లల సందడిలా
తారాజువ్వల గమనం అభివృద్ధి సంకేతంలా
భూచక్ర భ్రమణం కాల గమన చిత్రమయ్యేరోజు
ఇంటి ముంగిట కాంతులు వరుసకట్టి
చల్లని ప్రకృతికి ఆహ్వానం పలుకుతూ
మధుర రుచులను ఆస్వాదిస్తూ
రేయి సంతోషాలను పంచేరోజు
విష వాయువుల బట్టను
వాతావరణానికి తొడగకుండా
దేదీప్యమానంగా దీపావళి జరుపుదాం
పర్యావరణ మిత్రులుగా సాగుదాం