ఉండనీ
ఉండనీ
నీ కంటి పాపల్లొ..పాపనై ఉండనీ..!
నీ గుండె గుడిలోన..గువ్వనై ఒదగనీ..!
జీవితం గాలిలో..స్వప్నాల వనసీమ..
నీ పలుకు తేనియల..ఊటనై ఉండనీ..!
అద్దాల మేడ ఇది..అద్దెయే లేదులే..
ముద్దుగా నీ తీపి..ఊహనై ఉండనీ..!
ఓ నెమలి పాముతో..ఆడేది చూస్తినే..
నీ మాయ ఆటలో..బొమ్మనై ఉండనీ..!
హెచ్చుట తగ్గుటో..జరుగునా ప్రేమలో..
ప్రశ్నించు మనసుకే..ప్రశ్ననై ఉండనీ..!
మరణమే తోడుగా..జన్మాల జాతరే..
పరువాల హరివింటి..నీడనై ఉండనీ..!
