సముద్రపు జ్ఞాపకాలు
సముద్రపు జ్ఞాపకాలు
చాలా ఖాళీగా ఉన్నావు
అయితే
ఏం లేదు ఓ చిన్న పని
ఏంటి
ఆ సముద్రపు ఒడ్డున ఉన్న ఇసుక రేణువులు లెక్క పెట్టు
ఇలాంటి జోకులు ఎన్నో
మనం నవ్వుకున్న నవ్వులు ఎన్నో
అదే సముద్రం అదే నేను
మహా అయితే ఓ ఐదు కేజీలు పెరిగి ఉంటా అంతే
మరి నువ్వేంటి ఇలా అయ్యావు
ఉలకవు పలకవు
సముద్రపు జ్ఞాపకాలు గుర్తు తెచ్చుకుని నవ్వవు
కొంప తీసి నీకు మోక్షం గానీ దొరికిందా
దొరికితే దొరకనీ
నాకు ఈ సముద్రం ఉంది
దానికి నేనున్నాను
ఇది చాలు