సమాంతర రేఖలు
సమాంతర రేఖలు
కొన్ని జీవితాలు
సమాంతర రేఖలు
కలసి నడుస్తున్నా
కలయిక లేని
దౌర్భాగ్య జీవులు
ఎన్నో ఏళ్లుగా ఒకరిమీద ఒకరికి
ఎంత అభిమానమున్నా
కలిసి బ్రతకాలనే కాంక్ష ఉన్నా
సాధ్యం కాని దురదృష్ట జీవికలు .
కొన్ని జీవితాలు సమాంతర రేఖలు
రైలు పట్టాలలాగా
పక్క పక్కనే నడుస్తున్నా
చేయి అందించలేని
అందుకోలేని
నిస్సహాయ జీవులు .
కొన్ని జీవితాలు సమాంతర రేఖలు
ఒకరిపై ఒకరికి ఎంత
ఆరాధన ఉన్నా
విడి విడి గానే గమ్యం వేపు
పయనం సాగించే
బాధా తప్త హృదయులు.
కొన్ని జీవితాలు సమాంతర రేఖలు
విధి ఆడే వింత నాటకమో స్వయంకృతాపరాధమో
పూర్వ జన్మ కర్మ ఫలమో
కానీ ,
కొన్ని జీవితాలు
సమాంతర రేఖలు
కలసి నడుస్తున్నా,
కలయిక లేని
దౌర్భాగ్య జీవులు .