నిరీక్షణ
నిరీక్షణ
నిరీక్షణ
డాబాపై రాత్రి వేళ
నీ చేయి పట్టుకొని కూర్చుని
నీలాకాశంలో చుక్కలను
లెక్కించాలని ఉంది .
పెరట్లో నీ ఒళ్ళో తల పెట్టుకుని
కొబ్బరాకుల మధ్య నుంచి
తొంగి చూస్తున్న జాబిల్లితో
మాట్లాడాలని ఉంది
నీ హృదయంపై
నా చెవిని ఆనించి
నీ గుండె చేసే
సవ్వడి వినాలని ఉంది
ఖాళీగా ఉన్న రహదారిపై
నీ భుజంపై తలవాల్చి
నీ ముఖాన్నే చూస్తూ
నడవాలని ఉంది .
కోవెలలో దైవ దర్శనం తర్వాత
కోనేరు గట్టుపై కూర్చుని
కొబ్బరి ప్రసాదం నీతోనే
పంచు కోవాలని ఉంది .
నిరీక్షణ తోనే నా జీవితకాలం
పూర్తి అవుతున్నా
ఇంకా నీ కోసం
ఎదురు చూడాలనే ఉంది