శీర్షిక : వీడ్కోలు
శీర్షిక : వీడ్కోలు
ఎవరో పట్టుకుని లాక్కుపోయారు
తన ఆశల సౌధాన్ని కళ్ళముందే
పేక ముక్కల్లా కూల్చేసి
ఎదను గాయాలతో చిత్రించి
కలలను సజీవదహనం చేసి
దగ్ధమైపోయిన ఆశలకు
మౌనంగా రోదిస్తున్న ఆమె కళ్ళలో
నిలిచిపోయా....
కడలిలో చిక్కుకున్న నావలా
ఆశ్రుజలంలో మునిగిపోయా..
చెంత చేరి నిజమై నిలవలేక
ఊపిరి నిలపలేక
కనుపాపను వీడిన
కన్నీటిలా రాలిపోయా
చెదిరిపోయిన కలగా కరిగిపోయా
తన జ్ఞాపకాలలో...
తన చుట్టూ గాలిలో పరిమళమై తిరుగుతున్న
మరణం లేని ప్రేమలో...
మరుపే తెలియని మనసులో...!!
--జ్యోతి మువ్వల