సాక్షితోటి

పరవశాలు రాలుతీరు..చూడాలని ఉన్నది..! 
సాక్షియైన సాక్షితోటి..కలవాలని ఉన్నది..! 

వాదులాట ఒకచక్కని..విందైనది చెలియకు.. 
చెలివేదన తీర్చుదాక..బ్రతకాలని ఉన్నది..! 

జన్మగుట్టు పట్టేసుకు..పాడుకునే దెపుడో.. 
నిప్పురుచిని ఒకపాటగ..మలచాలని ఉన్నది..! 

కర్మగాక కాళ్ళబడ్డ..తిప్పతీగ ఏదోయ్.. 
బతుకుతీపి మత్తుసరిగ..వదలాలని ఉన్నది..! 

మనసు పడక రాదు,లేదు బతుకన్నది - కోరిక.. 
మరణం ఓ విరామమని..చెప్పాలని ఉన్నది..! 

మందులన్ని కలవుచూడ..చిన్ని కణములోనే.. 
చైతన్యపు సీమలోన..ఉండాలని ఉన్నది..!