ప్రేమవలనే

నిన్నతెలియని కొత్తభాషను నేర్చుకున్నది ప్రేమవలనే

నిన్న చూడని వింతలేవో తెలుసుకున్నది ప్రేమవలనే

 మదినితాకిన తలపులన్నీ ప్రేమవిరులుగ పూయుచున్నవి 

మధురసుధలను గుండెనిండా

దాచుకున్నది ప్రేమవలనే

తలపునందున ఆశలన్నీ తారలల్లే మెరియుచున్నవి 

మనసునిండా

వెలుగురేఖలు నింపుకున్నది ప్రేమవలనే

మాటలన్నీ మధుకరాలై తేనియలనే మోయుచున్నవి

మనసుదీరా మధురకావ్యం రాసుకున్నది

 ప్రేమవలనే

వలపుతోనే దేవిమదిలో చీకటంతా చెదిరిపోయెను

 జీవితమునే కాంతిమయముగ చేసుకున్నది

ప్రేమవలనే