పాత ప్రయాణం

అతడి కను బొమ్మల మధ్యకు

ఛాతీ వైశాల్యమునకు

రోమాంఛితమగు భావమొకటి

చెమట చుక్కల రీతి

చోటు వెతికి ప్రవహించె

వర్ణనకు అతీతమౌ

ఆమె సంపన్న శరీరము

సురత క్రీడల పొంగి

వారిరువురూ

రసాస్వాదన గోరు మిథునమై

నవ దాంపత్యపు సిగ్గుల బుగ్గలు అరుణమై

తనువుల తాపము దాటి

సృష్టి కార్యముల నెరవేర్చు

వంశ వృక్షపు చిగుళ్లకు

ఇది ఆరంభము

వెతికి వెతికీ 

ఆనంద సందోహపు కేంద్రకములను

తనివి తీరా ప్రేమించి

రతీ మన్మథుల సామ్రాజ్యానికి

వారు అడుగులు వేసిరి

అది పాత ప్రయాణం

అనాది నుంచీ సాగిన కోరికల సమాహారం