ఓడిపోయినా బాగుంది
ఓడిపోయినా బాగుంది
నీ కౌగిలిలో ఊపిరాడనివ్వకున్నా
నీ మాటల్లో నన్ను బంధించుకున్నా
బాగుంది
నీ వెనకాలే తిరుగుతూ ఏడిపించడం
నీ పెర్ఫ్యూమ్ దొరక్కుండా దాచేయడం
బాగుంది
నీ పంటి గాట్లు చూసుకోవడం
నీ గోళ్ళు నే గిల్లుకోవడం
బాగుంది
నీ కళ్ళకు ముద్దులతో మసాజ్ చేయడం
నీ పెదాలకు నా వేళ్ళు స్నేహితులవడం
బాగుంది
నీ సినిమాలో నే హీరోనవ్వడం
నా కుళ్ళు జోకులకు నువ్వు పడీ పడీ నవ్వడం
బాగుంది
నీ ఆనియన్ సమోసాలో నే ఆనియన్స్ మాయం చేయడం
నా ప్లేట్లోంచి నువ్వు లివర్ ముక్కలు స్వాహా చేయడం
బాగుంది
నీ అల్లరికి నేను దణ్ణం పెట్టడం
నా వలపుకు నువ్వు చెవి మెలి పెట్టడం
బాగుంది
నీ కలల్లోకి నే రావడం
నా నిద్ర నువ్వు చెడగొట్టడం
బాగుంది
నీ ఊరించే పలకరింపులు
నా యవ్వనపు పలవరింతలుగా మారడం
బాగుంది
నీ కోసం అన్నీ వదిలేయడం
నేను నీకు చెందాను అని అనిపించుకోవడం కోసం
నేను ఓడిపోవడం కూడా బాగుంది
దీన్నే ప్రేమంటారా
అందరూ ఇంతేనా
లేక మనమే స్పెషలా