ఒంటరి

నా కళ్ళలో కన్నీరు సుడులున్నాయి

రాళ్ళను సైతం కరిగించగల కథలున్నాయి

మనసులేని మనిషిచ్చిన కష్టాల కానుకలున్నాయి

ఎవరికి తెలియని కథలెన్నో నా జీవిత కథనం లో దాగి ఉన్నాయి

         "నా కళ్ళలో "

అందరిమల్లె నాకు ఒక మనసుంది

అది మూగరాగమేదో ఆలపిస్తోంది

మూగ మనసుల రాగం ఆలకించు వారెవరోయి

నా దరి చేరి ఓదార్పునిచ్చే మనసేదోయి

నా కన్నీరు సుడులను తుడిచే చేయేదోయి

         "నా కళ్ళలో "

ఏదోషం లేకున్నా లోకం గుసగుసలాడింది

ఉన్నతోడును సైతం విడదీసి ఒంటరిని చేసింది

గుణపాఠం చెప్పి గమ్యం చేరు ధైర్యం నాకు లేదోయి

నా గమ్యం ఎల్లలు నాకే తెలియకున్నవోయి

దారం తెగిన గాలిపటమునకు గమ్యమేది ఉంటుందోయి

        "నా కళ్ళలో"