నీ నాట్యం

కణకణమున కంటున్నా..అక్షరాల నీ నాట్యం..! 
నా లోలో వింటున్నా..ప్రవహించే నీ గానం..! 

ఎన్నిభావ చిత్రాలో..అన్నీ నీ బహుమతులే.. 
గీయకనే గీస్తున్నా..గీయలేని నీ రూపం..! 

నా ఊహల తంత్రులనే..మీటుతున్న నీవెవరో.. 
ఓ పాటగ వ్రాస్తున్నా..అంతులేని నీ మౌనం..! 

పెట్టలేను మాటలలో..పరవశాగ్ని వర్షమేదొ.. 
హృదయగగన మేఘాలను..ఏలుతోంది నీ రాగం..! 

విషయమేమి ఉండేనట..విషమయమే గుణసర్వం.. 
అశేషమది విశేషమే..ఈ కాలం నీ కావ్యం..! 

నిన్నుగూర్చి పాడుకునే..ముచ్చటయే అపురూపం.. 
వెన్నుతట్టి నడుపుతూనె..ఏలుతోంది నీ తత్వం..!