నాకో లోకం కావాలే

నాకో లోకం కావాలే

కుళ్లు కుతాంత్రాలకి సోటు లేని

సక్కనయిన లోకం కావాలే

జరంతా మదికి నచ్చే బట్ట కట్టుకొనే

సెచ్చ ఉండే లోకం కావాలే

ముందరా కోయిలమ్మ ల

యేనకలా గోతులు తవ్వే గుంటనక్కలు

లేని లోకం కావాలే

పడే కట్టానికి తగ్గ ఫలితం

కోసం ఎదురుసుడని లోకం కావాలే

మధ్యతరగతి బతుకుల్లో

మార్పు తెచ్చే లోకం కావాలే

కుల మతాల ప్రవాహానికి

అడ్డుకట్ట వేసే లోకం కావాలే

అధికారం సూసి నెత్తి మీద పెట్టుకొని

కుప్పి గంతులు వేసే లోకం పోయి

బుద్ధిని సూసి కాళ్ళు గడిగే లోకం కావాలే

మెచ్చుకోలు మాటల కొరకు

యాస బాషలని కైదు సేసే లోకం పోయి

ధైర్యంగా సొంత యాసల

మాట్లాడే లోకం కావాలే

ఇయాన్ని జరగాలంటే

మనలో మార్పు రావాలే!!

అది ఈ క్షణమే మొదలు కావాలే!!