నా ప్రేమను

మాటలాడి నీమనస్సు..నొప్పించుట బాగుండదు..!
నాప్రేమను ఓ లేఖగ..వ్రాసిచ్చుట బాగుండదు..!

ఇంకెలాగ చెప్పగలను..గాలిలోని పాటగాక.. 
ఆవేదన ఎంతైనా..వివరించుట బాగుండదు..! 

జన్మమెత్తి నానెందుకొ..పుణ్యమేమి చేసినానొ.. 
బాధలతో సౌఖ్యమెంతొ..మోసేయుట బాగుండదు..! 

ఈ హృదయపు లావణ్యత..ఎంతంటే ఏంచెప్పను.. 
గులాబీల పానుపిపుడు..చుట్టేయుట బాగుండదు..! 

చేయలేను హెచ్చరికలు..చెప్పలేను పాఠాలను.. 
బంధాలను తెంచేసుకు..వెళిపోవుట బాగుండదు..! 

తప్పులెంచు పనియదేల..భాగస్వామి యర్థమేమి.. 
చెలిమివిలువ గుర్తించక..సాధించుట బాగుండదు..!