నా జన్మకు ఒక శాపం

మళ్లీ వచ్చే కాళ్ళ పగుళ్ళలా

నీ స్పర్శ తిరిగి గుర్తొస్తోంది

ఎంత ప్రేమ ఉంది అందులో

అని ఇంకా నా మనసు అంటోంది

అలానే అనుకోవాలి

అలా అనుకోకపోయినా అలానే చెప్పాలి

అబ్బే

నువ్వు నన్ను మోసం చేశావ్

నన్ను వదిలేసి వెళ్ళిపోయావ్

ఇలా నేను నిజాలు మాట్లాడట్లేదు

ఎందుకంటే అలా మాట్లాడితే 

జనం నాది పిచ్చని పక్కకి నెట్టేస్తారు

రెండు సెకన్ల పనికి ప్రేమ అని పేరు పెట్టి

నా మెదడును చిధ్రం చేసే జ్ఞాపకాల జైలులో

నన్ను అపరాధ భావపు లోకంలో వదిలి

వెళ్లిపోయిన నీకు ఒక నమస్కారం

నీ పరిచయం ఇప్పుడు పెనుభారం

నీతో గడిపిన ప్రతి క్షణం

నా జన్మకు ఒక శాపం

చూద్దాం

కవిత్వమే నాకు శాప విమోచన మార్గమో ఏమో