నా హృది

కనుల వాలుతున్నది కనుల చూడమన్నది

ఒడిని చేరమన్నది ఒడిలో వాలుతున్నది

నిలువ నీయనన్నదీ నిదుర మానుకున్నదీ

నిన్ను చేరమన్నదీ సొగసు మోహము

వెండిపూల వానలో సన్నజాజి మోములో

లతలు అల్లుకున్నది చిలిపి ప్రాయము

అందమైన ఊహలో కలలుగన్న తీరంలో

నిన్ను చేరమన్నది కన్నెప్రాయము. 

చెలికాడ..... నిను చేర

కనులారా...... నిను చూడ

మృదువీణ గమకాలేవో పలికే నా మది

వినిపించని రాగాలు శృతిచేసె నా హృది