నా చెలి పాదాలు !
నా చెలి పాదాలు !
రోజాలాంటి ఓ పడచు మావీధిలోంచి వెళ్తూ
నా దృష్టిని ఆకర్షించింది ఓ రోజు .
ఓరచూపులతో నా కోరమీసం ఎగిరేలా ఉంది
ఆ బాల హుషారైన ఊపు .
అది పల్నాటి పౌరుషానికి ప్రతీకైన గుంటూరు జిల్లా .
వయసు , సొగసుతో ఔరా అనిపించేలా ఆ షోకిల్లా .
కొంటెగా విసిరింది అంతలో ఓ చిరునవ్వు .
నా గుండెజారి గల్లంతై మౌనం రాజ్యమేలింది కాసేపు .
నా చెలితో పరిచయం అలా జరుగుతుందని
నేను ఊహించలేదెపుడూ .
ఆ తర్వాత మేమిద్దరం ఏకాంతంలో
చల్లని ప్రదేశాల్లో అప్పుడప్పుడు .
ఆమె పాదాల్లో తొణికిసలాడిన బెరుకుతనం
నన్ను మంత్రముగ్ధుణ్ణి చేయగా ..,
ఎర్రని పారాణి నాతో ఏడడుగులేసేలా చేసింది
ఒక అందమైన పందిరిలో ఆనందం వెల్లివిరియగా .
నాటినుంచి మువ్వల సవ్వడిలో ...
జడివానలోను , మాఊరి సంబరంలోనూ
నా అడుగుల్లో తను , తన అడుగుల్లో నేను .
నడిచినడిచి అలసినా , వేసవి వేడిమికి సొలసినా ...
కోపంతో అలిగినా , ముచ్చటలో మునిగినా ...
నా చెలియ పాదాలు సేదతీరుతూ నా అరిచేతుల్లో .
ఆనాటి అనుభూతులు కనుమరుమయ్యాక
ముద్దులొలికే బుగ్గలతో ... గాఢనిద్రలో ...