నా బాల్యంలో

కల్లాకపటం ఈర్ష్యాద్వేషాలు వంటి  

ఆస్తులు లేని పేదరాలుని

బాధ్యతలు బరువులు లేని స్వేచ్ఛా జీవిని

పరిమితులు లేని కలల ఆశాజీవిని

ఉల్లాసానికి ఉత్సాహానికి చిరునామాని

స్వచ్ఛమైన స్నేహానికి పునాదిని

తల్లిదండ్రుల సాంగత్య పరిష్వంగనలో

అలుపెరుగని యువరాణిని

ముద్దుల మూటలు గౌనుకి చుట్టుకుని

చెంగుచెంగున ఎగురుతూ

ఆటపాటలలో తేలియాడుతూ

అనంతమైన ఆనందాన్ని ఆస్వాదించిన

అపురూపమైన బాల్యం నాది.