నా బాధను

నీవుగాక ఇంకెవ్వరు..తీర్చగలరు నా బాధను..! 
స్వరములలో నింపలేను..అంతులేని నీ ప్రేమను..! 

మాటలెంత తుంటరివో..మౌనములో చేరేనవి.. 
చెప్పలేను వ్రాయలేను..ఇవ్వలేను ఓ లేఖను..! 

చూపులతో వర్షించగ..చేయు యత్నమేం చాలదు.. 
సాహసమే చేయలేను..ఇంతైనా కనులెత్తను..! 

తెలవారగ ఇష్టపడని..రేయికన్న తోడెవరిక.. 
చిత్రముగా జారిపోవు..కరుగుకలను చూడగను..! 

అలజడితో గొడవపడే..రెప్పలింటి కాపురమే.. 
విరహామృత గీతముగా..మార్చినదే తనూలతను..! 

మనసుపడే యాతననే..మలచాలా కావ్యముగా.. 
కట్టడేల చేయాలోయ్..ప్రశ్నించే పరువాలను..!