మనసుది మౌన పోరాటం

తాపం కాదది స్వేద ప్రవాహం

మరుగున పడిన ప్రేమల దాహం

తడి ఆరని కన్నులు చేసే పుష్ప విలాపం

మనసు పడిన వారి కోసం చేసే మౌన పోరాటం

ఆశలు ఆశయాలు వదులుకుంటుంది

అవమానాలు తట్టుకుంటుంది

తనవారి క్షేమం కోసం లక్ష్యాల్ని మార్చుకుంటుంది

అర్థం చేసుకునే వారి కోసం పరితపిస్తుంది

ఎందుకింత ప్రేమ మనసా

ఉదయాన్నే సరుకులు తెచ్చేయాలని

ఇంటి అద్దె అడగక ముందే కట్టేయాలని 

కాస్త అయినా పొదుపు ఉండాలని

విశ్రాంతి తీసుకోకుండా 

విసుగు అని అనుకోకుండా

కళ్లద్దాల వెనుక కన్నీళ్లను రానివ్వకుండా

ముందడుగు వేస్తున్న ప్రతి మనిషికీ 

ఇది నా సలాం