మన్మథ బాణం

మది మొత్తం గులాబీల పరిమళం

ఆమె మాటలు పంచదార పాకం

సొగసులు స్వర్గలోకపు ఉద్యానవనం

మెలికలు పద్యగద్యాల శృంగారధనం

కురుల అందం పడి లేచే కడలి తరంగం

పెదవుల బింకం సీతాకోకచిలుక రెక్కల కొత్తదనం

నయనముల హర్షం మురిపించే శ్రావణ మేఘం

పరవశింపజేయి జూకాల శబ్దం

కోటికోటి వైడూర్య కాంతుల వస్త్రం

తుమ్మెద ఝుంకారాల అంగీకార పత్రం

నడకలు రుతుపవనాగమన వేళ మయూర నాట్యం

ముక్కెర వెలుగుల పసన్న వదనం

వెన్నెల రాత్రుల రసాస్వాదనలో

చూపులు కలిసిన వైనం

ఆమె రతీ దేవి సాక్షాత్కారం

ఆతడు మన్మథ బాణములు సంధింప

ఆమె తెలిపెను వలపుల అంగీకారం