మిగిలింది

ఆకాశ మేఘాన్ని తాకి ప్రేమజల్లుగా కురవక

ప్రకృతితో కూడి పిడుగువై గుండెల్ని పిండగా

నీ ఉనికి పిడిబాకై నాలో ఉప్పెనగా పెల్లుబికె!

వలపు అలగా మారి మనసు తీరం తాకలేక

కోరికల కెరటమై మనసుని కబళించబూనితే

నిన్ను నీవే కోల్పోయి నన్ను కోల్పోయినావె!

ధరణిలా దరి చేరి నాలో నిన్ను దాచుకోలేక

ప్రణయ ప్రకంపనలను పట్టి పిప్పి చేయబోవ

నీవు నలిగి నాకు నేనే శత్రువై సాక్షాత్కరించె!

చీకటి హృదయంలో జ్యోతివలె వెలగడం రాక

ఎగిసిపడే జ్వాలవై హృదయంలో మంటలురేపి

నీవు కాలి నేను కాల మిగిలింది బూడిదాయె!