ఓటమి

చేతుల్లో ఏమీ లేదంటే 
జీవితం నిన్ను ఓడించిందని కాదు...

గెలుపు దూరమైందంటే
పరాజయం నిన్ను చేరిందని కాదు...

ఆట ముగిసిన చోట
జీవితం ఎప్పుడూ మొదలవుతూనే ఉంటుంది...

కానీ —
మనిషి తన జీవితాన్ని 
అర్థంచేసుకోవడంలో విఫలమైతే 
అక్కడే ఓటమి పుట్టుకొస్తుంది...

గౌరవం లేని మనిషికి 
ఎన్ని గెలుపులు తెచ్చినా 
అవన్నీ శూన్యమే...

సమయాన్ని నిర్లక్ష్యం చేసిన క్షణం 
జీవితంలో అసలైన ఓటమి పొందినట్టు...

నిక్కంగా —
గెలుపు గణాంకాల్లో నిలుస్తుంది.
ఓటమి మాత్రం అంతఃకరణంలో ముద్రపడుతుంది...