" మగాడికి కష్టాలేం ఉంటాయ్ ! "
" మగాడికి కష్టాలేం ఉంటాయ్ ! "
" మగాడికి కష్టాలేం ఉంటాయ్ !!
పుట్టడంతోనే అదృష్టవంతుడంటూ అందలం ఎక్కిస్తారు !
ఎదుగుతున్నకొద్ధీ ఆ అందలం అందుకోకపోతే ఆక్షేపిస్తారు !!
నచ్చిన దాంట్లో స్థిరపడమనే అధికారమే కరువు !
నచ్చని దాంట్లో స్థిరపడితే జీవితమే ఓ బరువు !!
హుమ్... !
మగాడికి కష్టాలేం ఉంటాయ్ !!
ప్రేమించిన అమ్మాయిని మోసగిస్తే నేరస్థుడు !
ప్రేమించిన అమ్మాయి చేతిలో మోసపోతే వెర్రోడు !!
పెళ్లికి కట్నం తీసుకునేవాడు అడ్డ గాడిద !
పెళ్లికి కట్నం వద్దనేవాడు వింత పశువు !!
హుమ్... !
మగాడికి కష్టాలేం ఉంటాయ్ !!
నలుగురి మాట పెడ చెవిన పెడితే అహంకారి !
నలుగురు చెప్పే చెప్పుడు మాటలు వింటే అంధకారి !!
కష్టాన్ని పెట్టుబడిగా పెట్టి వ్యాపారం చేస్తే ముంచేస్తారు !
కూడబెట్టిన డిగ్రీలతో ఉద్యోగం చేస్తే బానిసలా చూస్తారు !!
హుమ్... !
మగాడికి కష్టాలేం ఉంటాయ్ !!
కష్టమొచ్చినా తట్టుకుని నిలబడితే చలనం లేనోడు!
కన్నీరొచ్చి బాధ బయటకి చెప్తే భావోద్వేగం కలవాడు !!
కుటుంబ బాధ్యతలకు తలొగ్గితే చేతకాని వాడు !
పోటీ ప్రపంచంతో పరిగెడితే స్వార్థ పరుడు !!
హుమ్... !
మగాడికి కష్టాలేం ఉంటాయ్ !!
పెళ్లాం మాట వినే కొంగు చాటు మొగుడైతే సంసారి !
తల్లి మాట వినే అమ్మ చాటు బిడ్డైతే కుసంస్కారి !
ఇష్టపడి తెచ్చుకున్న దానికి తోడుగా కాలమనే ఎక్స్పైరి డేట్ !
కష్టపడి సంపాదించుకున్న దానికి జతగా దురదృష్టమనే మాన్యుఫాక్చరింగ్ డేట్ !!
హుమ్... !
మగాడికి కష్టాలేం ఉంటాయ్ !!
" అయినా...
మగాడికేం తెలుసు ఆడదాని బాధల గురించి ! "
అంటూ తేలిగ్గా అనేస్తుంది తప్ప ఈ లోకం...
తనని సృష్టించిన ఆడది ,
తనతో తోడబుట్టిన ఆడది ,
తనని నమ్ముకున్న ఆడది ,
తనతో సృష్టించబడిన ఆడది
ఇలా తన చుట్టూ ఉన్న ప్రతీ ఆడదీ బాధ పడకుండా ఉండడం కోసం ప్రతీ మగాడు తను పడే ప్రతీ కష్టం గురించి ఈ లోకం ఒక్కసారైనా ఆలోచిస్తే బాగుండేదేమో !
ఆడదాని అందాన్ని వర్ణించే మగ కవులకి
అక్షరాలు కో-కొల్లలేమో కానీ,
ఓ కొడుకుగా తాను పడిన కష్టాలు
ఓ భర్తగా తాను తీసుకున్న బాధ్యతలు
ఓ తండ్రిగా తాను మోసిన బరువులు
చివరికి వృద్దాప్యంలో తాను పంచే ఈ అనుభవాల సమ్మేళనాలు
ఉద్యోగ ఒత్తిళ్లు, వ్యాపార నష్టాలు, కుటుంబ భారాలు
ఇలా ఒక్కటేమిటి ?
ప్రతీ మగవాడి కష్టం కవయిత్రులు వర్ణించాలంటే మాత్రం
వాక్యాలు కూడా అలసిపోతాయేమో ?
తల్లడిల్లి కన్నీరే కారుస్తాయేమో ? ? "
- mr.satya's_writings