మెరుపు తునకలు(హైకూలు)2

అలుపెరగదు

గాలి నేస్తమున్నంతవరకు

కాలం విలువ తెలియదు

వృద్దాప్యం వచ్చేంతవరకు

చేదు జ్ఞాపకాలు చిరకాలం

ఆపరేషన్ కత్తి పెట్టిన గాటులా

ఒకటి మనసును పట్టి ఉంచేది

వేరొకటి దేహానికి సంభందించింది

యవ్వనం వయసు వీచిక

బ్రతుకు గమ్యం చేరుకోలేని పాచిక

అడక్కుండా పెరిగేది వయసు

తెలియకుండా తరిగేది ఆయస్సు

ఆశలు అనంతం

సమస్యలూ అనంతం

మొదటివి తీరుతాయని ఎదురుచూపులు

రెండోవి పోతాయని ఎరుగని నిట్టూర్పులు

సముద్రానికి ఎంత నీరు చేరినా పొంగి పొరలదు

ధనవంతుడికి ఎంత సంపాదించినా దాహం తీరదు

వేసవిలో వర్షంలా

వేటకై తారట్లాడే పులిలా

నరికే వాడిక్కూడ నీడనిస్తుంది చెట్టు

పైకి నడిచేవాడికి ఊతమిస్తుంది మెట్టు

మొదటిది విశాలత్వం

రెండవది ఆలంబనా తత్వం