మాటలెందుకు.. మాయలెందుకు..

నచ్చలేదని

ఇష్టం లేదని

భరించానని

సంవత్సరం తర్వాత చెప్పడం ఎందుకు

ముందే చెప్పడం

పాత కాలం ఫ్యాషన్ కాదు

అవతలి వ్యక్తి సమయాన్ని గౌరవించడం

మల్లె తీగలా అల్లుకుని

మంటల్లో పడాలని

నాకేం గొప్ప కోరికల్లేవే

కళ్ళలో కలవరం దాచి

మనసులో నిన్ను తలచి

కుళ్లి కుళ్లి ఏడ్వాలని

అమర ప్రేమ ఇదని

లోకానికి చాటి చెప్పాలని

నాకస్సలు ఇష్టం లేదు

ఏదో జరిగింది

పోతే పోయింది

ఫుల్ బిందాస్ గా పాడుతూ

ఆడుతూ

నా జీవితాన్ని ఎంజాయ్ చేస్తున్నా

ఒకటే ప్రశ్న

నీకే కాదు

నీలా ఇష్టమని చెప్పి

సాహచర్యాన్ని ఆస్వాదించి

తర్వాత మనసు విరగ్గొట్టి పోయే వాళ్ళందరికీ

ఇదే ప్రశ్న

అన్ని మాటలెందుకు

మాయలెందుకు

ఉన్నదంతా మాయే కదా

మరీ పాకులాట ఎందుకు..