మానసం

ప౹౹

ఎదలోన పండినా ఎలమి ఎదురేగి పిలవాలి

మదిలోన ఆ కలిమి మహనీయమై కలవాలి ౹2౹

చ౹౹

కలిసిన మనసులు కలలోను స్వాగతించాలి

తెలిసిన వలపు తెగువతో అనుమతించాలి ౹2౹

కమనీయమే ఆ కనులలో నిండిన పరవశమే

ప్రేమహయమే హద్దులనూ చెరపే లేక వశమే ౹ప౹

చ౹౹

చెక్కిలి గిల్లునే చేరి యోచనలే హృదయంలో

చక్కలిగిలి అల్లునే తనువే అయోమయంలో ౹2౹

తీరాలి ముసిమికి తీరైన కలయిక ముచ్చట

కోరాలి ఆ జంట పల్లవించాలని ప్రేమలచ్చట ౹ప౹

చ౹౹

జాబిల్లి వెన్నెల జాలువారే జాగే తొలగించనే

శోభిల్లి ఎడద శోధించినే గోమునే పూరించనే ౹2౹

నేర్పించిన రొండొకటవునే నెమ్మితో నెమ్మదిగ

అర్పించిన మానసమే అంకితమవు చిన్నదిగ ౹ప౹