కవితా పూరణం 13 . 02 . 22 కవీశ్వర్

కవితా పూరణం 13 . 02 . 22 కవీశ్వర్ .

దత్త పాదం :

"దారము జూడనెంతురె సదా మన దారలు మల్లె ముంగిటన్"

పూరణం : 

ధారా తలమునం దె ల్లప్పుడు ఉపవనమునందేకుం 

దరదనలు వికసితమై పరిమళ శోభ విలసిల్ల ఉల్లమం 

దెల్లప్పుడు రంజిల్లునట్లు దారముతో పూలల్లుతూ నం 

దారము జూడనెంతురె సదా మన దారలు మల్లె ముంగిటన్  

భావం : ఈ భూ తలమునందు గల ఉపవనము (గార్డెన్ )లో మల్లెపువ్వులు

వికసించిన పిమ్మట సువాసనల శోభ , మన మనస్సులలో ఎప్పుడు

రంజిల్లజేయు నట్లుగా మంచి దారముతో పూలల్లుతూ అందులోని దారమును 

మన పడతులు ఆ మల్లె ముంగిట చూడనెంతురే ఎల్లప్పుడూ .... అంటే

ఆ దారమును పట్టించుకోరు కానీ పరిమళ మల్లె సొగసు, గుబాళింపునే ఎక్కువగా 

వారు పట్టించుకుని ఇష్ట పడుతారు అని దీని భావం .

వ్యాఖ్య : "మల్లెల కాలం లో - మల్లివిరిసింది - పరిమళపు జల్లు కురిసింది."