కవితా గీతం

ఆలోచనల కే నడకలు వస్తే , మన మెదడులో పదాలౌతాయి.

ఆ పదాలే మన చేతి ముని వేళ్ళ లో , అందమైన అక్షరాలౌతాయి .

ఆ అక్షరాలే మన కన్నులలోనికి వెళ్లి , మధురమైన భావాలౌతాయి .

ఆ మధుర భావాలే మదిలోకి వెళ్లి , మృదుమధుర తలపులౌతాయి .

ఆ తలపులే ఊహల ప్రపంచం లో , హరివిల్లు లాంటి చిత్రాలౌతాయి .

ఆ రంగుల చిత్రాల కాన్వాసులపై , నవ్య అందమైన ఆవిష్కరణాలౌతాయి .

ఆ ఆవిష్కరణలే నిపుణత లతో , భవ్యమైన కావ్య కన్యకాలౌతాయి .

ఆ కావ్యకన్యకల సుందర ఆకృతులతో , దివ్యమైన రచనలౌతాయి .

ఆ దివ్య రచనలే పాఠకుల లో , చెల రేగిన మధుర స్మృతులౌతాయి.

ఆ మధుర జీవన స్మృతు లలో , ఓలలాడే రచనానుబంధ బాంధవ్యాలౌతాయి.

********